Jordan

I am so beautiful.... I´m the next Icelandic top model:)

Sat, 25 Aug 2007 23:05:43 GMT

Jæja það er best að ég bloggi... Langt síðan síðast. Ég er ástfanginn upp fyrir haus þetta viðurkenni ég nú aldrei en hún er æði hún heitir Tina og er hálfgerð kanína allavega látum við svoleiðis þegar við förum niður í bælið mitt hér á begganum. Við kynntumst á netinu ég kolféll fyrir henni því við eigum svo margt sameiginlegt, við eigum alveg eins bíl. En ég seldi minn í gær. Keypti mér nýjan aygo á 1.900.000 hann er með topplúgu og snúningfelgum. Ég er flottastur í bænum u know what I mean ladies:D Diddi in the house down town drop by anytime.

Annars er allt gott að frétta er bara súper hress þessa daga alltaf með tillann á lofti og líður ekki sú stund að ég hugsi ekki um hana Tínu, berjatýnu eins og ég flirta stundum við hana:lol: wúhú.. svo margt sem við getum sagt til að æsa hvort annað upp svo er hún líka svo fyndin ég bara get ekki hætt að hlæja stundum. En nóg um Tínu mína ætla samt að senda henni koss hér með *kiss kiss* Tína mín.

En ég bý enþá með Davíð við erum soddan hommar í okkur en aldrei í hefur mér dottið í hug að koma við hann... skrítið það ha?? En við ætlum að fara að kaupa okkur hús í Sandgerði saman, með heitumpott og útisnúrum, viljum viðra sængurfötin vel ekki vantar nú sjávarloftið þar á bæ. Tina býr í næsta nágrenni eða í Gerðahreppi svo það er ekki langt að fara. Ætla að fá mér hjól til að hjóla á milli og spara aygoinn minn því ég þarf að bruna í Samskip á hverjum degi og það eyðir nú smá bensíni en bílinn minn er nú diesel:) wúhú kom ykkur á óvart en þetta sparar skildinginn... ;) einn öl í mánuði allavega... Svo búa vinkonur mínar líka svo stutt frá Sandgerði þið vitið nú um hverjar ég er að tala, aðalskvísurnar sem ég vildi oft kalla kisulórur en hún Tína leyfir mér það ekki lengur. En ég elska þær og sakna afskaplega mikið sérstaklega Telmu því hún kom ekki í partýið síðustu helgi og ég hef ekki séð það fagara fljóð svo lengi. Miss miss Telly mín eins og ég kalla hana stundum. Svona best freinds nick name:) you know.

Bless í bili Diddi berjatýna

Halló halló góðan daginn Diddi minn, gastu nú ekki fundið þér erfiðara password fyrirsjáanlegi gutti:lol:

Við stöllur vorum ekk lengi að nappa leyniorðið inn á bloggið þitt enda þekkjum við nú vin okkar ansi vel;) hehe... Hvað er annars að frétta dúddi minn, þú ert nú ekki sá duglegasti að blogga, ættir nú bara að fara að skella þér í heimsókn í Ikea það leynist margt fallegt þar sem gæti heillað þig og þinn sjarma, hægt að fá þær úr tré og uppblásnar bara what ever for you sjarmatröll... En þær eru heldur ekki með myspace alveg eins og þú:lol: en það var rosa stuð hjá ykkur feðgum síðustu helgi og við erum að vonast til þess að fá annað boð í svona teiti bara fljótlega... Alveg farnar að sakna þín líka eins og þú sagðist vera farinn að sakna okkar hér fyrir ofan:lol: hehe...

Knús Diddi okkar. Kveðja Telma og Pálína:haha

Glænýtt blogg og allur pakkinn bara.....

Tue, 24 Jul 2007 15:35:27 GMT

Komiði sæl

Ég hef ákveðið að brjóta odd af oflæti mínu og henda inn eins og einum pistli. Reyndar skilst mér að það sé bara gamaldagsfólk sem notar orðið bloggið í dag því að MySpace er víst málið. En ég held að þangað fari ég ekki frekar en inní IKEA.

Það sem kannski brennur mest í brjósti mér þessa dagana er að ég er á leið í frí frá vinnunni í næstu viku og verð í um 4-5 vikur og er ég orðinn ansi spenntur fyrir því. Þó ég sé svo sem ekki búinn að vera lengi í þessu starfi og hef mjög gaman af því þá er þetta komið alveg ágætt af Samskip í bili og verður frekar gott að fá að komast í frí og vera heilalaus í nokkrar vikur og koma svo alveg endurnærður

Byrja fríið eiginlega á því að skella mér til Eyja á Þjóðhátíðina og verð ég kominn þangað á fimmtudeginum fyrir fjörið. Maður er einmitt búinn að taka fram þjóðhátíðadiskana og skella þeim í spilarann til að fá tilfinninguna í gegnum öll gömlu góðu þjóðhátíðarlögin og svo er það frekar gaman að Davíð & Siggi Árna verða báðir á Þjóðaranum í ár með gítarana að sjálfsögðu og hef ég verið að fá stemminguna beint í æð frá þeim félögum þar sem þeir eru að tína til & æfa lögin sem þeir ætla að láta hljóma í tjaldinu hjá Davíð & co. Fullt af frábærum lögum sem þeir eru að bæta við í sitt góða safn !!

Skrítið samt við Þjóðhátíðina í ár er það við Bjarni frændi erum einu úr fjölskyldum okkar sem verða í Eyjum þar sem mamma og pabbi verða á Íslandi og Ester, Einar og Sara Rós verða í Danmörku eða eitthvað álíka. Íris systir og Gréta verða ekki og það er spurning hvort mér takist að plata Óla til að koma svo við Bjarni verðum ekki einu meðlimirnir úr familíunni á Þjóðhátíð!! Samt reyndar veit ég ekki með Elvu & co en það kemur væntanlega í ljós.

Undanfarnar tvær helgar hafa verið í meira lagi skemmtilegar en þannig var mál með vexti að Hlynur Þór fékk þrjá vini sína frá Danmörku í heimsókn. Heldur betur hressa stráka og við tókum að okkur að sýna þeim skemmtanalífið í borginni, báðar helgarnar , báða dagana!!

En þetta var nú meira fjörið og ansi gaman að sjá hvað þeir skemmtu sér vel. Var það handsalað að við Hlynur myndum fara sem fyrst út til þeirra og endurgjalda þeim heimsóknina. Skelltum okkur í nokkur skipti á Oliver og Vegamót til skiptis, fórum út að borða og borðuðum hvalkjöt sem var by the way alveg meiriháttar gott, allir voru sammála um það en það voru allir að smakka það í fyrsta skiptið en pottþétt ekki það síðasta !

Nú er Hlynur Þór einmitt farinn til New York en þessi dekurrófa skellti sér í gær með Huldu á vit ævintýrana í Stóra Eplinu. Nú hefur hann farið þangað tvisvar síðan við fórum saman fyrir rúmum tveimur árum!! Til stendur reyndar að ég fari þangað í haust í félagi við Óla bró. En hann er að fara þangað á námskeið ásamt starfsfólkinu á Solid og er hugmyndin sú að ég skelli mér með sem laumufarþegi, hef reyndar ekki huxað mér að fara með þeim á námskeiðið en það er þó aldrei að vita. Kannski er ég alveg topp hárgreiðslumaður en veit bara ekki ennþá að því??? Einnig eru einhverjar líkur á að Davíð komi með en það myndi nú alls ekki skemma fyrir........

En úff ég ætla nú ekki að fara að blogga yfir mig og það er held ég best að fara varlega af stað aftur, ekki vera að ana neinu.......

Kv,

Diddi

Ógeðslega gaman allt saman hahaha!!!

Mon, 23 Apr 2007 12:03:24 GMT

Mér finnst gaman.....

.....að NBA úrslitakeppnin sé byrjuð

.....að vera byrjaður í nýju starfi sem leggst þrælvel í kappann ;)

.....að Bjarni frændi skuli vera "stundum" fyrirliði ÍBV í fótboltanum

.....að Bjarni frændi sé búinn að kaupa sé íbúð í Eyjum

.....að Sara frænka skuli vera búin að fermast og allt heppnaðist frábærlega vel

.....að það sé að koma vor, mér finnst það skemmteilagasti tími ársins ;)

.....að í kjölfarið á vorinu kemur svo sumarið

.....að Manchester United sé með 8 leikmenn að 11 í lið ársins á Englandi

.....að hafa farið í frábæra ferð með félögum mínum til Manchester og séð United vinna Blackburn á Old Trafford 4 - 1, meiriháttar ferð

.....að vera til

.....að slaka á eftir langan göngutúr (af því ég er búinn að fara í einn slíkan nýlega hahahahaha)

.....að Ragga Gogga hafi boðið mér í afmælið sitt, takk fyrir það frænka ;)

.....að halda partý á Begganum eins og við Davíð gerðum sl. laugardag

.....að allir sem komu í partýið skemmtu sér konunglega og vil ég nota tækifærið og þakka öllum fyrir komuna og sitt framlag til skemtunarinnar

.....að Blogga (er það ekki nokkuð greinilegt) hahahaha

.....að Manchester United hafi orðið enskur meistari 2007

.....að Chelsea hafi ekki unnið :)

.....að fólk nenni ennþá að skoða þessa síðu þrátt fyrir leti minnar við að blogga

Diddinn kveður í bili (vonandi ekki í mánuði)

Hvaða rugl....

Thu, 29 Mar 2007 14:45:15 GMT

Hvaða rugl.....

.....Er það að Klúbburinn sé á leið til Manchester á morgunn

.....Er það að Örn er búinn að semja vængefna dagskrá fyrir helgina í Manchester

.....Er það að við séum að fara á Old Trafford á laugardaginn að sjá Manchester United spila

.....Er það að Eiríkur Hauksson sé ekki lengur rauðhærður

.....Er það að það séu svo bara alveg að koma páskar

.....Er það að sjónvarpsstöðin Sirkus sé orðinn rugluð

.....Er það að Maggi Ella sé kominn í kjörþyngd !!

.....Er það að Hafþór sem vinnur hjá Samskip fór í óvissuferð til Barcelona með eimskip um seinustu helgi ???

.....Er það að Hafþór mætti í vinnu í tvo daga og flaug svo út til Englands í morgunn?

.....Er það að Hafþór sem heldur með Arsenal fer á Anfield Road í Liverpool og borgar þar inn 23.000.-kr. til að sjá Arsenal tapa......... á heimavelli Liverpool, come on Haffi !!

.....Er það að Sara frænka sé að fara fermast eftir tvær vikur !!!!!!

.....Er hvað ég er geðveikt ánægður með nýju Toyotuna

.....Er það að ég sé að fara að hætta sem Verkstjóri á Landflutningum til að gerast Viðskiptastjóri á Innanlandssviði Samskipa ;)

.....Er það hvað þessi heimasíða er búin að vera í mikilli lægð ??

.....Er það hvað verður geðveikt stuð á mér, Davíð, Sigga Jóels & Hlyn Guðjóns í Enlandi ;)

.....Er hvað ég bið að heilsa ykkur í bili

Hvaða rugl er þetta eiginlega ??

Kv,
Diddi United

Sigur og tap...

Mon, 19 Feb 2007 18:22:19 GMT

Jæja Eyjaferðin var fín og við náðum að knýja fram einn sigur og lögðum okkur kannski fullmikið fram við að tapa einum leik. En tapleikurinn var alveg skelfilega illa spilaður og ég hélt uppteknum hætti við að finna ekki skotið mitt og vera með miðið rammskakkt, eiginlega ekkert sem fór ofaní körfuhelvítið í þeim leiknum því miður & aðeins 9 stig frá stráknum og léleg nýting:(
En seinni leikurinn var töluvert skárri, enda komu Bjössi & Binni inní liðið, og unnum við hann nokkuð örugglega og allt annað að spila þann leik þar sem við vorum að gera ágætis hluti. Endaði þann leik með 20stig og kannski örlítið betri nýtingu en samt slaka.

Nýi bíllinn ekki ennþá tilbúinn en það verður vonandi á morgunn eða hinn, leyfi ykkur nú að fylgjast með því hérna í beinni á Diddanum......
Set inn myndir og svona þegar gripurinn er kominn í mínar hendur8)

Eiríkur Hauksson sigraði Júróvisíon með glæsibrag og held ég að það hafi nú ekki náðst nema að því að jafnaldri minn og félag úr Eyjum hann Stefán Þór Steindórsson spilaði á gítar í laginu;) Stebbi var bara djöfull flottur á sviðinu og verður fróðlegt að fylgjast með þeim "Stebba & Eika" í Helsinki í maí ´07. Óska ég Stefáni innilega til hamingju með þetta!
Mér líst þrælvel á lagið og það átti fullkomlega skilið að sigra í þessari undankeppni okkar íslendinga og vonandi náum við nú að komast í aðalkeppnina í ár. Það er nefnilega svo skemmtilegt í þessum Júróviíon partý-um þegar Ísland er með. Svona svipað og þegar handboltalandsliðið er að spila, það skapast einhvernveginn svo skemmtileg stemming útum allt.

Ég var víst skammaður af henni Kollu vinkonu minni hérna eftir síðasta pistil og biðst ég velvirðingar á því að hafa ekki óskað henni til hamingju x-tíu ára afmælið þann 15.feb. og geri ég það hér með og vonandi hefur hún haft það rosa gott á afmælinu sínu með Brynju & Jóninum í New York, hefði ekki verið leiðinlegt að partý-ast með þeim í Stóra Eplinu ;)

Svo átti átrúnaðargoðið mitt hann Michael Jordan afmæli þann 17.feb. og líka hún Fríða Hrönn og auðvitað fá þau bæði stórar afmæliskveðju frá kappanum ;)

Gott í bili meira seinna og vonandi kem ég með fréttir af nýju Corollunni í næsta pistli en þangað til blessi ykkur......

Kv,
Diddi

Nýr bíll ofl.

Thu, 15 Feb 2007 18:57:16 GMT

Sælt veri fólkið ;)

Nei nei maður er alveg sprelllifandi og ferskur þótt lítið heyrist frá manni á þessari blogg-síðu hmmmmm.......

Efst á baugi er það að ég festi kaup á nýjum bíl í dag en hann er af gerðinni Toyota Corolla og er glænýr úr kassanum. Hef ekið um á Corollu undanfarin tvö ár og hef verið svo hrifinn að það kom ekkert annað til greina en að fá sér aftur Corollu og í þetta skiptið alveg spánýja:!:
Fæ bílinn afhenntan í næstu viku þannig að ég hef nokkra daga til að kveðja gamla bílinn sem hefur dugað mér þrælvel og er alveg hörkubíll en því miður þarf eigandinn að yngja upp8)
Þannig að það verður nóg að gera hjá Eyþóri frænda við það að bóna næstu mánuðina en hann hefur verið duglegur að fá bílinn lánaðann hjá frænda sínum í staðinn. Hann fékk meira að segja að ráða því að nýji bíllinn er á álfelgum, svona er maður góður við frænda sinn en hann þarf þá líka að þrífa þær reglulega ;)

Það hefur farið eitthvað lítið fyrir manni á djamminu á þessu ári en ég hef aðeins einu sinni farið á djamm það sem af er árinu og það þurfti Elton John til þess að ég fengi mér í aðra tánna :P
Það er fínt að taka smá hlé frá djamminu og gera eitthvað nýtt um helgar. En það er samt sem áður fátt skemmtilegra en að djamma í góðra vina hópi en maður þarf líka að læra að skemmta sér án þess að hafa áfengi alltaf við hönd, það er svo heilsuspillandi því miður:( Skellti mér einmitt edrú á þorrablót hjá Samskipum þarseinustu helgi og Guð minn góður hvað það var gaman. Björk Jakobsdóttir leikkona var veislustjóri og sá hún um að fólk skemmti sér allsvakalega vel, hún er snillingur:lol:
Fólk lá frammá borðunum í hláturskrampa hvað eftir annað á meðan hún kom með hvert gullkornið á fætur öðru. Hún fór semsagt á kostum og sjaldan hef ég hlegið eins mikið af nokkri manneskju. Þorrablótið var líka í alla staði mjög vel heppnað, frábær þorramatur og skemmtileg stemming á liðinu. Guðjón fór hamförum á trommunum með hljómsveit sinni Æði og héldu þeir uppi stuðinu langt frameftir nótt, frétti ég en ég var farinn heim um tólf á miðnætti enda var ég að fara að keppa í körfubolta daginn eftir og þurfti að vera ferskur ;)

Talandi um að keppa en þá skelltum við Hlynur Þór okkur á Laugarvatn að keppa með ÍBV í körfubolta og var leikurinn hundleiðinlegur og við töpuðum:(
En það var langt frá því að vera leikurinn sem varð eftirminnilegastur við þessa för okkar á Laugarvatn ónei það var heimferðin. En á heimleiðinni lentum við næstum því, og þá meina ég alveg NÆSTUM því, í árekstri sem hefði getað endað með stórslysi og látum en sem betur fer lukkaðist það allt saman og við erum í fullu fjöri í dag, jafnvel segja sumir að við félagar höfum sjaldan verið betri hahahahahaha……
En það er erfitt að lýsa því nákvæmlega hvað gerðist en það er bara einu sinni þannig að ökumenn verða að vera 150% með hugann við aksturinn hverju sinni og vera meðvitaðir hvað þeir eru að gera. Í þessu tilviki erum við bara heppnir að hafa sloppið án þess að svo lítið sem rispa hafi komið á bílinn og svo það sem er náttúrulega fyrir öllu að allir eru heilir þrátt fyrir kannski örlítið sjokk en sjokkið endaði með þeim viðbrögðum að við hlógum þrátt fyrir að það hafi ekkert fyndið verið við þetta !!!

Næstu helgi er för minni heitið á Lúxus-Eyjuna í suðri og er stefnan sett á að vinna tvo körfuboltaleiki sem fara þar fram á milli ÍBV og UMFH en þetta eru tveir úrslitaleikir í okkar riðli í annarri deildinni. Vonum við að það detti tveir sigrar í hús hjá ÍBV þannig að eftir helgi get ég fært ykkur fréttir að tveimur góðum sigrum en þangað til hafið þið það sem allra best og gangið á Guðs vegum ;)

Blessi ykkur…….

Kv,
Diddi

Áfram Ísland !!

Wed, 24 Jan 2007 15:54:41 GMT

Sælar ;)

Jæja þá er þjóðarstoltið alveg að fara með mann enda enginn smá sigur hjá íslensku strákunum á HM í handbolta á mánudaginn en sjálfir Frakkarnir, sem eru by the way evrópumeistarar, voru lagðir af velli öllum að óvörum og ekki var sigurinn neitt í naumari kanntinum en Ísland gjörsigraði Frakkana með 8 marka mun og mætti segja að sigurinn hafi aldrei verið í hættu en samt var maður ekki öruggur og rólegur fyrr en flautað var til leiksloka. Ísland á það nenfilega til að koma með hinn fræga “slæma kafla” en sem betur fer kom hann aldrei af neinu viti í þessum leik og liðið var frábært, Til hamingju Ísland ;)
Við Davíð og Maren skemmtum okkur konunglega á Begganum yfir þessu öllu saman, maður hoppaði, gargaði og klappaði allt til skiptist og ekki skemmdi fyrir að Eyjamaðurinn í markinu hann Birkir Ívar var alveg frábær þannig að Eyja og þjóðarstoltið gekk nánast frá manni bara hehehehe….
Vonum bara að strákarnir nái að fylgja þessu eftir og taki Túnismenn í dag og vinni þá sannfærandi ;) Leikurinn er samt á frekar leiðinlegum tíma fyrir marga eða kl.16:30 en vonandi ná sem flestir að sjá allavega seinni hálfleik ;)

Fótboltalega séð var helgin handónýt en Man. Utd. tapaði fyrir Arsenal sem var eðlilega ekki gott enda gat Manchester náð 9stiga forystu á Chelsea með sigri. Það leit bara nokkuð vel út á að það tækist á tímabili í leiknum en Manu. voru með 0-1 forystu lengi vel í seinni hálfleiknum en Arsenal jafnaði einhverntímann á meðan ég var að horfa á Ísland tapa fyrir Úkrínumönnum í handbolta og svo var það kóngurinn í Arsenal hann Thierry Henry sem skoraði náttúrulega sigurmarkið þegar 3mín. voru komnar yfir venjulegar 90mín. Alveg týpískt hann!!
Þetta var sem sagt glataður seinnipartur á sunnudeginum, Manchester tapaði fyrir Arsenal og Ísland tapaði fyrir Úkraínu:(
En við höldum áfram með 6stiga forystu á Chelsea þar sem þeir töpuðu líka:!:
Nota ég samt hér tækifærið og óska Haffa Hotplate kærlega til hamingju með Arsenal sigurinn um helgina ;)

Það var eins gott að Óli bró bauð mér í frábæra sunnudagssteik sem bjargaði alveg deginum, svo var Íris sys og Gréta Dögg líka í mat þannig að maður er fljótur að gleyma öllu leiðinlegu í svoleiðis félagsskap. Óli & Gréta buðu svo uppá geggjaðan ís og heita íssósu í eftirrétt. Svo voru þau með jarðaber og epli sem við dýfðum ofaní heitu íssósuna og var þetta allsvakalega gott hjá þeim. Takk fyrir mig og allur pakkinn!

En annars var toppnum á helginni náð á laugardagskvöldið þegar ég brá mér í fimmtugsafmæli þar sem enginn annar en Sir Elton John birtist um níu leitið viðstöddum til mikillar ánægju og gleði. Spilaði poppgoðið í um klukkustund þar sem hann lék alla sína helstu slagara. Virtist þetta allt saman vera mjög svo óraunverulegt að sjálfur Elton John væri staddur niðrí frystigeymslu Samskipa við Holtabakka að spila á píanó og syngja fyrir gesti og gangandi. Magnað alveg og er það nokkuð víst að þarna hefur maður farið í eitthvað flottasta, dýrasta og veigamesta partý sem maður kemst í hérna á Íslandi, í bili að minnsta kosti;) Þar sem ég var með miða fyrir tvo ákvað ég að bjóða Hlyn Þór með mér og skemmtum við okkur alveg eins og kóngar enda engin ástæða til annars í svona teiti ;)

Það er samt ekkert mjög langt síðan við Davíð héldum partý í svipuðum dúr á Begganum þar sem ekki ómerkari maður en Geir Ólafsson mætti og tryllti lýðinn, maður hefur sko heyrt útundan sér að fólk er að líkja þessu saman :)
Við Davíð toppum þetta bara í vor aftur ;)

Þetta er gott í bili, áfram Ísland!

Kv, Diddi

It´s about time.....

Tue, 16 Jan 2007 17:52:51 GMT

Jæja þá er komið að því að henda út einni færslu í ykkur elskurnar. En það er bara fínt að frétta af Diddanum og sé ég frammá fínt ár 2007. Vil ég nota tækifærið þótt seint sé og óska öllum þeim, sem ég hef ekki náð í rassgatið á og einnig þeim sem detta hérna inná síðuna, Gleðilegs nýs árs og vonandi verður þetta ár ykkur öllum gæfuríkt og skemmtilegt ;)

Ok og þá er fyrsti BootCamp tíminn á árinu búinn og það er alveg magnað en hann var einmitt í hádeginu áðan. Gaman að vera byrjaður aftur að láta pína sig, að maður skuli taka þátt í þessari vitleysu hahaha.... nei nei þetta er náttúrulega bara frábært og svo hefur maður svo gott af þessu......
Við Hafþór erum allavega mættir aftur til leiks og ætlum ekki að slá neitt slöku við að þessu sinni frekar en fyrri daginn......

Já ég skellti mér á handboltalandsleikinn á laugardaginn sl. með Telmu, Huldu & Hlyn Þór en þar sáum við Íslensku strákana (okkar) spila á móti Tékkum, mikið var leikurinn lélegur og leiðinlegur. Það eina skemmtilega við hann var að sjá svakalegar markvörslur hjá Tékkneska markmanninum en hann varði oft á tíðum stórglæsilega, en svo horfði maður bara á seinni leikinn í sjónvarpinu og hann var miklu betri þar sem íslendingar sýndu vonandi sitt rétta andlit:haha: Svo er það bara HM hjá þeim sem byrjar um næstu helgi og ég verð að viðurkenna það að maður getur pínu æst sig upp þegar kemur að handboltalandsliðinu en samt ekkert í líkingu við mömmu en hún getur orðið allsvakalega æst oft á tíðum yfir leikjunum og stundum er hún sjálfri sér og umhverfi sínu barasta hættuleg þegar leikirnir verða hvað mest spennandi, já og pabbi er litlu skárri enda horfa þau sjaldan á leikina í sama herbergi hahahahahah ;)
En tilfinningarnar hjá þjóðinni gagnvart handboltalandsliðinu eru svakalegar miðað við aðrar íþróttagreinar sem við keppum í, það verður að viðurkennast. Það hafa allir skoðunn á hverjir eiga að spila, hvenær á að skipta, hver á að vera í marki og allt þar fram eftir götunum og einmitt í næstu viku verður þessi umræða tekinn á flestum þeim stöðum sem fólk þessa lands hittist og ekkert nema bara gaman að því.

Fór tvisvar í bíó í seinustu viku og voru þær ferðir ansi ólíkar skal ég segja ykkur. Á fimmtudaginn fórum við á The Black Dahlia ég, Hlynur og Hulda. Myndin fannst mér hreint leiðinleg og ekkert í hana varið þannig að ég mæli ekki með henni.
En svo á föstudaginn fórum við Hlynur, erum að spá í að gerast kvikmyndagagnrýnendur, að sjá "Apocalypto" og hún er góð, allavega miku betri en hin. Skelltum við okkur í lúxus salinn í Smárabíó og höfðum það gott. Þessari mynd mæli ég sko með, reyndar löng en það skiptir engu því hún er mjög góð.

En ég ætla að segja þetta gott í bili og vonandi er Blogg-ritstíflunni lokið svo ég geti hennt inn pistli sem fyrst aftur ;)

Blessi ykkur öll.....

Kv, Diddi

Jæja....

Fri, 12 Jan 2007 08:28:23 GMT

Sælir kæru lesendur ;)

Ég er búinn að taka mér góða pásu frá Bloggheiminum undanfarin misseri en þeirri góðu pásu er senn lokið og stefni ég á Come-Back með látum um helgina so stay tuned;)

Blessi ykkur....

Diddi

Hó hó hó......

Fri, 08 Dec 2006 15:52:28 GMT

Sæl öll nær og fjær

Þá er föstudagurinn mættur enn einu sinni og ekkert nema jákvætt við það, jólin nálgast óðfluga og ekkert nema gott um það að segja, brjálað að gera hjá allflestum sem er alveg frábært, allir í svo jákvæðu og góðu skapi sem er yndislegt alveg hreint. Sem sagt niðurstaðan er sú að lífið er skemmtilegt og ef það er einhver nálægt þér sem er ekki sammála þá skaltu reyna af öllum sálar og lífsins kröftum að gleðja hann/hana og gera honum/henni lífið eins skemmtilegt og þú hefur burði til.
Hver kannast ekki við gömlu góðu auglýsinguna "Oft þarf ekki nema einn hlut.... bla bla bla" hehe.....

Rélegheit í kvöld hjá Diddanum enda vinna á morgunn og svona sjúkheit. Svo eru ýmis verkefni sem bíða eftir manni sem eru kannski búinn að sitja alltof lengi á hakanum en ég hef fengið mér aðstoðarmann sem ætlar að hjálpa mér og veita mér félagsskap í verkefnum morgundagsins. Hlynur Þór ætlar að brasa með mér og verðum við án efa á fullu á morgunn í hinu og þessu svo ekki vera fyrir........;)

Lenti einmitt í því sl. föstudag að hjálpa Hlyn Tannsa að setja upp gardínur og setja saman 1stk. kommóðu. Hvernig haldiði að það hafi endað?:!:
Jú við fengum okkur að sjálfsögðu nokkra kalda á meðan sem endaði náttúrulega með að verða alltof margir:haha: skemmtilegt:lol:

Annað kvöld er svo jólahlaðborð heima hjá Bigga & Helgu, spennandi.....:!::!: Verður væntanlega mikið stuð og góður matur eins og ávallt á Lækjarsmáranum.

Skoðanakönnuninni er lokið og sigraði Bjarni Rúnar með yfirburðum en hann fékk 46% atkvæði af 160 atkvæðum sem greidd voru en hinir fengu minna. Ég óska Bjarna innilega til hamingju með sigurinn og er að vinna í því að koma verðlaunastefumótinu á koppinn ;)

Later folks.....

Diddi

Svona er lífið bara......

Thu, 23 Nov 2006 16:57:42 GMT

Sælt veri fólkið ;)

Snjó kyngdi niður í miklu mæli aðfaranótt sunnudags mörgum til mikillar ánægju og öðrum ekki. En þar sem við búum nú á landi sem er kennt við ís, allavega flestir sem lesa þetta, þá á þessi ofankoma ekkert að koma manni mikið á óvart !!! En það er samt einhvernveginn þannig með fyrstu snjókommu hvers vetrar að maður verður alltaf steinhissa og gjörsamlega ekkert undir það búinn að takast á við snjóinn. En það er langt frá því að maður sé sá eini því það hafa myndast all langar raðir fyrir utan hvert einasta dekkjaverkstæði borgarinnar eftir seinustu helgi og er núna fyrst að byrja að róast á þeim bænum. Þar sem ég veit fátt eitt leiðinlegra en að bíða í röð þá hef ég ekki ennþá drullað mér með bílinn í umfelgun, ég hef sko aðgang að nagladekkjum og allez en það vantar bara þennan herslumun að ég komi mér að verki.

Skellti mér til Eyja um sl. föstudag á vegum Samskipa en þar var haldið viðskiptamannaboð fyrir kúnna Samskipa í Eyjum og var boðið haldið í Höllinni. Heppnaðist það í alla staði mjög vel og var mjög svo kátt í Höllinni. Var boðið uppá villibráðaveislu sem var tær snilld og ekkert venjulega gott enda enginn smá kokkur þarna við völd en það var enginn annar en stórfrændi minn hann Einar Björn, hann er bara að gera góða hluti í eldamennskunni drengurinn og bara gaman af því 8)

Við Hlynur Guðjóns skelltum okkur að sjá James Bond sl. mánudag og skemtum við okkur hið besta bara enda bara fjári góður Bond þarna á ferðinni. Væntingarnar voru nú kannski ekki ýkja miklar þar sem mikið hefur verið deilt á hinn nýja Bond sem leikinn er af Daniel Craig en hann leysir þetta verkefni bara prýðilega og er bara með betri Bond-um sem maður hefur séð á undanförnum árum. Sem sagt toppmynd og Bond, James Bond bara svalur að þessu sinni..........

Flipp vikunnar fær að þessu sinni hún Íris systir mín en þrátt fyrir að vera nýkomin frá Tallin í Eistlandi þá skellti hún sér í 4 daga ferð til Rómar á Ítalíu með Ingunni vinkonu sinni en þær bókuðu ferðina með eins dags fyrirvara, þetta kallar maður að flippa ;)

Heitustu piparsveinar bæjarins eru samkvæmt lítilli skoðanakönnun sem ég lét Capacent-Gallup gera í síðustu viku eru eftirfarandi:

1. Bjarni Frændi ( Sá heitasti )
2. Doddi Birgis ( Sá ósvífnasti)
3. Jóhannes Geir ( Sá saklausi!! )

Í kjölfarið hef ég ákveðið að hrinda af stað lítilli könnun hérna á síðunni um ykkar álit á þessum sveinum og mun sigurvegarinn vinna stefnumót með einni flottri píu sem verður ljóstrað upp seinna hver er ????
Þannig að það er um að gera að kjósa og taka þátt í þessum skemmtilega leik...8) og mun ég reyna að setja inn myndir af þessum piltum við fyrsta tækifæri svo léttara sé fyrir ykkur að dæma um þá!!!

Hér er mynd af Dodda Birgis & Jóhannesi fyrir þá sem ekki hafa haft tækifæri á að berja þá augum ;)

Lifið heil og blessi ykkur öll......

Kv, Diddi

Nóg um að vera bara.....

Wed, 08 Nov 2006 13:29:23 GMT

Já það mætti segja að það væri svo sannarlega allt að gerazt á Íslandinu góða. Ekta Ísland núna um helgina, kolklikkað veður á sunnudaginn, svo slæmt að Herjólfur sigldi ekki einu sinni og allt innanlands sem millilandaflug lá niðri !!!! Skemmtilegt allt saman. Listafólkið lætur orðið míga yfir sig í einhverskonar gjörning en þessi gjörningur hefur heldur betur vakið upp umræður í þjóðfélaginu en það er nánast hver einasta manneskja sem hefur skoðun á málinu og þá einmitt spyr maður sig: Var það ekki bara akkúrat málið með þessum gjörning? Að vekja athygli á sér og sinni list? Ja maður spyr sig en þrátt fyrir það þá er þetta svo ógeðfellt og vanskapað eitthvað að fólk ætti nú að gera eitthvað allt annað til að vekja á sér athygli undir orðinu List, svona úrgangur á bara að fara í postulínið en nóg um það......

100ára afmælið hjá Ester & Einari heppnaðist ótrúlega vel og var þvílíkt skemmtilegt. Við Bjarni stóðum okkur held ég bara vel í veislustjóra-hlutverkinu og héldum uppi skemmtilegri og góðri dagskrá þar sem mamma söng braginn Systraþel fyrir systur sína, Íris systir hélt ræðu, Kristborg frænka fór með tölulegar staðreyndir um samband mömmu sinnar og pabba, við Bjarni sýndum myndband sem við tókum upp & Daði Páls klippti til og var það alger snilld, Sara frænka hélt verðlauna-afhendingu þar sem afhennt voru verðlaun fyrir Bestu mömmuna og Bezta Pabbann í heimi og voru sigurvegararnir nokkuð augljósir en virkilega sætt hjá henni Söru minni og svo tókum við systkinin, Íris & ég, rapp um Steru Stuð og Einsa Pönk !!8)
Þannig að það var heldur betur gaman og svo skelltum við okkur öll frændsystkinin á ball í Höllinni með Landi & Sonum og skemmtum við okkur öll saman fram undir morgunn & var Eyþór Helgi frændi langflottastur á ballinu að öðrum ólöstuðum og fór hann á kostum kjappinn ;)

BootCampið gengur vel og er það alltaf jafnskemmtilegt að láta ganga frá sér og fátt betra fyrir sál og líkama, er aðeins að verða pínu kærulaus hvað mataræðið varðar en það er ekkert mál að taka á því aftur. Var sko kominn á fínt ról í mataræðinu en svo einhvernveginn fellur maður í freistni við og við en ekkert alvarlegt samt.

Féll í annarskonar freistni sl. Föstudag en þá fórum við Hlynur Guðjóns & Siggi Jóels að borða á Oliver um 19:30 og það var ekki að sökum að spyrja en að við vorum þar langt frammá nótt að drekka og sódómast sem endaði náttúrulega með því að við rúlluðum þar út í annarlegu ástandi allir saman enda erum við ekkert þekktir fyrir annað en að taka vel á því ef við tökum á því á annað borð ;) Þetta var mjög fínt kvöld og skemmtir maður sér aldrei betur en með þessum drengjum, tær snilld!

Sara frænka kom svo til mín á laugardeginum og var hjá mér frammá sunnudag en öll hennar familía var á Reykjavíkursvæðinu í óvissuferð og ekkert gaman fyrir hana að hanga í Eyjum á meðan þannig að hún kom bara í heimsókn til Didda frænda og var það alveg meiriháttar gaman, ég á ekkert lítið systkini þannig að Sara hefur svolítið verið í því hlutverki fyrir mig ;) Fengum við okkur pizzu á Pizza Company og skelltum við okkur svo í bíó og tókum við hana Svanhvíti með á myndina “Borat” og verð ég að segja að þetta er LANG fyndnasta mynd sem ég hef á ævinni séð, alveg mögnuð og hvet ég ALLA til að fara í bíó og sjá þessa mynd :) Hún er hverrar krónu virði sem ekki er hægt að segja um margar myndir í dag þar sem bíómiðinn er kominn uppí 900.-kr. takk fyrir og góða nótt!! Þetta er náttúrulega glæpur en ég myndi glaður borga tvöfalt á “Borat” ;)

Jæja þá er komið nóg í bili og ég bið ykkur vel að lifa og blessa ykkur öll……

Kv, Diddi

Shang hai!!

Wed, 25 Oct 2006 21:37:55 GMT

Jæja gott fólk þá er að koma fimmtudagur enn á ný og enn ein helgin þar sem Diddinn "neyðist" til að djamma eða svoleiðis en nú um helgina er Ester frænka og Einar maðurinn hennar að halda uppá 50ára afmælið sitt saman í Vestmannaeyjum og er karlinn á leið þangað og verð ég veislustjóri ásamt Bjarna frænda í 100ára-afmælinu þeirra. Bjarni er einmitt hjá mér núna á Begganum og erum við að leggja lokahönd á planið fyrir laugardagskvöldið, spenningurinn er gríðarlegur;)

Seinasta helgi var góð en það byrjaði á því að á föstudagskvöldið skellti ég mér á Laugarvatn að keppa með ÍBV og var leikurinn ekkert sérstakur fyrir augað og það er skemmst frá því að segja að við unnum með tveimur stigum og kom sigurkarfan á lokasekúndunum, ekki meira um það nema að ég hitti ekki rassgat og hefði örugglega ekki hitt í rassinn á belju þótt ég hefði haldið í halann á henni, svo léleg var mín hittni þetta skipti en hún verður aldrei svona léleg aftur vonandi!

Á laugardagsmorgunn gat ég varla gengið eftir að hafa fengið í hnéið eftir leikinn sem var ekki gott því það var hlaupatest í BootCamp kl.10:00 um morguninn en ég dreif mig nú á fætur og skellti mér í gallann og á Miklatúnið. Byrjaði eitthvað aðeins að reyna að hita upp en fann svo til í hnéinu að ég fékk að fresta hlaupatestinu um sinn, fékk bara að taka armbeygjur, magaæfingar og upphýfingar í staðinn ;) Takk fyrir það ;)
Um kvöldið var svo árshátíðin hjá Samskipum og þvílíkt fjör, það var svoooo gaman að maður er enn að brosa af gleði, maður hefði kannski mátt vera aðeins minna fullur en þá hefði örugglega ekkert verið eins gaman hehehehehe nei án gríns þá var þetta mikið stuð og samstilltur hópur þarna á ferð og góður mórall8)

Svo er vikan búinn að fara í námskeið sem er bara hið skemmtilegasta og fæ ég mikið útúr því, enda á maður að fara á allt svona með opnum huga og reyna að læra sem mest.

Sem sagt spennandi helgi framundan og kjallinn í góðum gír bara, fer til Eyja á föstudag sem er gaman því ég hef ekki komið til Eyja síðan á Þjóðhátíðinni og það hefur held ég aldrei gerst að það hafi liðið svona langur tími á milli ferða út til Eyja hjá mér en svo eru sumir sem aldrei hafa komið til eyja............

Kjallinn blessar ykkur öll.........

Diddi

Allt gott bara....

Thu, 19 Oct 2006 10:43:51 GMT

Þá er fimmtudagur runninn upp ískaldur og góður og stemmingin í Samskip er gríðarleg en það er árshátíð nk laugardag með tilheyrandi látum og geðveiki ;)

BootCampið er að líða undir lok en það er einungis eftir tveir tímar að þessum píningum og fara þeir báðir í að mæla árangur erfiðisins undanfarnar 5vikur, maður ætti nú að hafa bætt sig eitthvað svei mér þá...... En nú er ekki öll sagan sögð því það er búið að bjóða okkur á nýtt 6vikna námskeið sem ég ætla að þiggja þannig að kjallinn heldur áfram í BootCamp næstu 6 vikur muhahahahaha.............

Sl. laugardag áttum við félagarnir í Klúbbnum alveg frábært kvöld en Klúbburinn samanstendur af mér, Davíð, Hlyn Guðjón og Sigga Jóels en sem komið er og fer hann síðan stækkandi með komandi misserum. Við hittumst sem sagt á Begganum á laugardaginn 14.okt. og var kvöldið vægast sagt frábært í alla staði og sýndu menn á sér alveg nýjar hliðar. Tökum sem dæmi þá eldaði Siggi Jóels ofaní Klúbbinn og stóð sig eins og hetja, enginn okkar vissi að drengurinn ætti þetta til en hann var með Humar í forrétt og Lambafile í aðalrétt sem heppnaðist allsvakalega vel. Sköpuðust skemmtilegar umræður við matarborðið sem verða lengi í minnuum hafðar eins og skotin sem gengu manna á milli, öll þó í mesta bróðerni að sjálfsögðu. Sátum við svo með hitað Koníak í boði Davíðs sem spilaði svo nokkur lög á gítarinn í tilefni dagsins og menn í góðum gír að tralla með eftir bestu getu ;) Þegar við vorum komnir í góðan koníaksanda & allir klæddir eins eða í svörtum jakkafötum, hvít skyrta og svart bindi (nema einn sem fékk að vera í svörtu vesti í staðinn fyrir bindið) þá skelltum við okkur á OLIVER að sjálfsögðu enda er hann að verða þekktur griðarstaður okkar þegar við gerum okkur glaðan dag. Skelltum við okkur á dansgólfið og gerðum allt Crazy (ef við segjum sjálfir frá:lol: ). S.s. magnað kvöld sem endaði vel og menn alveg drullusáttir við alltsaman og Klúbburinn kominn á fullt "Swing" en þetta var svona fyrsta opinbera kvöldið þrátt fyrir að Klúbburinn sé að verða þriggja mánaða gamalt kvikindi8)

Ég þakka bara félögum mínum fyrir frábært kvöld og ég veit að við skemmtum okkur allir jafnvel enda fábær félagsskapur ;)

Gott í bili, góða helgi og góða heilsu ;)

Kristinn blessar ykkur öll........8)

Kv, Diddi

Endajaxlar......

Thu, 12 Oct 2006 18:33:44 GMT

Whazzzzzzz upppppppp??

Kjallinn hress að vanda enda ekki yfir neinu að kvarta nema ég held að endajaxl sé að ganga, sko það byrjaði þannig að ég sendi Dodda Birgis til Hlyns því það var endajaxl að bögga hann, Hlynur reif hann úr honum! Svo stuttu seinna þá var Davíð með endajaxl sem var að angra hann, Hlynur reif hann líka úr honum! Nei nei svo kemur Hafþór í vinnuna einn daginn með endajaxl sem er fyrir honum og hann beint til Hlyns sem reif hann reyndar ekki en lagaði hann eitthvað til sem betur fer fyrir Hafþór! & nú er ÉG að drepast í endajaxli sem ég held að sé að koma og þarf örugglega að hringja í Hlyn og biðja hann að pússa töngina!!!!
Brjálað að gera hjá Hlynsanum bara, vona að hann hafi bara gaman af vinnunni sinni drengurinn......8)

Jæja ég er farinn að hita upp, bootcamp eftir 30mín.

Blessi ykkur öll....

Kveðja
Diddi